Buscador
 | agosto 2008 |  |
| L | M | Me | X | V | S | D | ||
1 |
2 |
3 |
||||||
4 |
5 |
6 |
7 |
8 |
9 |
10 |
||
11 |
12 |
13 |
14 |
15 |
16 |
17 |
||
18 |
19 |
20 |
21 |
22 |
23 |
24 |
||
25 |
26 |
27 |
28 |
29 |
30 |
31 |
Rede Galega de Música ao Vivo
A música é unha das liñas de atención preferente do Instituto Galego das Artes Escénicas e Musicais (IGAEM), que en 2007 pon en marcha a Rede Galega de Música ao Vivo (RGMV) en colaboración con Clubtura, asociación de salas galegas de música en directo.
O obxectivo desta programación, que no seu primeiro ano de actividade ofreceu preto de 800 concertos a cargo duns 70 grupos en 49 salas de toda Galicia, é lograr a consolidación dun circuíto musical estable que sirva como plataforma de promoción para bandas e artistas de todos os estilos e contribúa a optimizar a súa presenza no territorio galego.
A RGMV representa tamén a materialización dunha liña de actuación longamente demandada polos programadores dos locais que ofrecen música en directo, ao tempo que dota dunha estrutura de distribución sistematizada o sector musical, á que poden acceder tanto formacións emerxentes como outras máis consolidadas.
O proceso de configuración da programación anual da Rede Galega de Música ao Vivo comeza coa apertura dun período de inscrición para os grupos interesados en participar nela, tras o cal cada sala presenta unha proposta de axenda cun mínimo de 8 bandas ou solistas, dos que cando menos un 75% debe corresponder a formacións galegas. Así mesmo, para que un grupo ou solista sexa contratado, necesita ter pechado un mínimo de concertos anuais dentro da programación global.
Dende 2008, a programación da Rede Galega de Música ao Vivo leva o nome de Carlos Humberto Díaz Pérez, en recoñecemento e memoria a un dos impulsores e artífices deste proxecto de difusión musical.
-
-
-
-
-
